وين أنت حدّد موقعـك لأجـل اجيلـك
   لــو المخـاطـر فــي طريـقـي كثـيـره


   طـال الفـراق وضــاع مـنّـي دليـلـك
   والعيـن بأسبـاب المفـارق سهـيـره


   الـحــبّ عـذّبـنــي فـديـتــك دخـيـلــك
   ارفـق بحـال اللـي جروحـه خطيـره


   مـا لـي غنـى عنّـك ولا ابـي بديـلـك
   ودنـيـا بـدونـك يــا حبـيـبـي مـريــره


   مـا تـدري أنّــك فــارق ٍ كــلّ جيـلـك
   أنـت القمـر يـا زيـن فـي كــلّ ديــره


   قلبـي مـراده يـا الغضـي سلسبيـلـك
   فــي غيبـتـك قلـبـي تـزايـد سـعـيـره


   قلبـي ضياعـه عتمـة ٍ وســط ليـلـك
   فــي غيبـتـك كــلّ الليـالـي عسـيـره


   وش حيلة الضميان من دون سيلك
   دربــه طـويـل وتـايـه ٍ فــي مسـيـره


   متـى تجـي وافـرح بنسـمـة عليـلـك
   وترتـاح روح ٍ فـي غيـابـك كسـيـره


   تـعــال فـعـيـونـي تــرانــي بـشـيـلـك
   تـعــال يكفـيـنـي عــــذاب ٍ وحــيــره


   إمّـــا تــجــي والاّ تــرانــي قـتـيـلـك
   وخسـارتـي عقـبـك خـسـاره كبـيـره