| اسم الشاعر |
فواد هليل المالكي |
| عنوان القصيده |
لقيت في ليلتي |
لقيت في ليلتي حزن وآلم وشرود
جافاني النوم واحتار القلم فيني
اكتب بقايا الظنون وحظي المقّرود
أشقيت نفسٍ ترد وتشتكي عيني
في كل ليله يحوم بفكري المشّدود
طيف الغَرير إرتسَم والشوق يدعيني
لاحان وقت المنام وربعنا برقود
أشتاق اشوفه يجي يمّي يسليني
أحط يدي على خده بلا مقصود
واكفكف امواج شعره لا تغطيني
أضم صدره على صدري رهيف العود
واجمع قلوب المودّه بينها بيني
أمتص من شفته شهد العسل ممدود
وشفي عَنا عِلة باتت تعانيني
اشكي عليه الغرام وشوقه المحدود
يازينها ساعة اللقياء تهنيني
لاسلهمت ياعلي ذيك العيون السود
أضِيع كِلي وعَقلي يسكن إيديني
أطير لآخر طرايق دربها المسدود
واعود ولهان مقّصوصه جناحيني
في حبها ياعلي لاشك أنا محسود
رِيّمية الأصل واشهد كلها زيني
ياخوك لامن تبدى خدها المورود
مالت ورود الحدائق ماتدانيني
تقول يامن بالنا بحوضها المورود
يجزيك ربّي على مابديت بالشيني
ماتدري أني بعالي حبها معقود
واذوق معها العذاب ومن ينجيني
وآهات حبي معاها خطها المسنود
ان ماحكاها لساني فز في حيني
أموت لامات حرفي ماكتمل لي قود
واعيش لاصارت أوراقي تواسيني
|