| اسم الشاعر |
خلف المالكي |
| عنوان القصيده |
المالكي قال |
المالكي قال ياهل الحب ماتدرون
كم عاشقا راحت ايامه وهو محزون
وانا تمنيت بالدنيا كما يقلون
ياليت حكم الهواء والحب في إيديه
--
ماشي في الدرب افكر ضايقاً صدري
والزين لا يفتكر فينا ولا يدري
حصلت قبلي بناتاً حيرن أمري
قالوا لي المشكلات أو قلت وش هيه
--
وجتني الاوله قالت على هونك
من بعد قالت سلام الله وش لونك
أنا بقــلك ولا بخـــتار من دونك
أ نا من أرض الغلا والحب نجديه
--
وجتني الثانيه تسحر برمش العين
تاهت عيوني معها ونّظر الخدين
سالتها قِلت قولي لي بعد من وين
وقالت أنا من الطايف حجازيه
--
وجتني الثالثه بالطول مياله
وعيونها بالحلا والكحل قتاله
سألتها عن جمال البيض ومثاله
وقالت انا فتاة ابها جنوبيه
--
وجتني الرابعه فيها الحلا والزين
والخصر جذاب وان طالعت للنهدين
احترت معها وقالت مرحبا وهلين
قالت بصوتً خفيف أنا شماليه
--
وجتني الخامسه ياناس فتانه
فيها الحلا كاملا وبكل الوانه
وقلت هذي حشى ليست بإنسانه
سألتها ثم قالت لي قصيميه
--
وجتني السادسه في مشيها تختال
فيها الغلا والحلا والفن وتمثال
أوصافها مالها بين البنات إمثال
سألت قالت من الدمام شرقيه
--
قلنه تعاله وهات الحكم وش بتقول
وقلت بحكم ولكن كل شي بوصول
مابلفت انظار غيري حكمنا معقول
ماني كما اللي وقع في حب مصريه
--
الكل منكم سوى والله مانختار
مادونا ياحبايب نلفت الانظار
الحكم واضح ومابه شي ماقد صار
والله مختار مادمتي سعوديه
|