ياللي عيونك مابكت في غيابي
                                  رد الخفوق اللي بنظره نهبته 
          صعب علي أعيش حب سرابي
                                  وأندم  على  شي  بيده عملته
          شميت عذال الهوى في عتابي
                                   يوم بنيت الحب بيدك هدمته
          ليش الجفى منك تعمد غيابي
                              وتنسى شقى عمري وهما كتمته
          قلب حزين وعين تبكي غيابي
                                وحب عظيم إبدنيتي  لك وهبته
          ابكي غيابك عد وبل السحابي
                            وصدق الهوى اللي ياحبيبي قتلته
          ماطاب لي نومي ولذة شرابي
                               وعفت الحياه بدون حب رغبته
          على الورق خطيت زين الخطابي
                                 هذي حروف الود حبي  كتبته
          يالله عسى يمك يوصل كتابي
                                 وتذكر حياة الي غرامه نكرته