ياناس خلي راح عني وأنا شوف
                                  ياناس  ذاك  اللي  أحبه تخلى
          ياناس قولوا له ترى القلب ملهوف
                                 يبكي على من في وصاله تغلى
          ياناس والله ما قوت عيني الشوف
                               عن شوف غيره كل شوفي تعلى
          من بعد ذاك الورد يهديني سيوف
                                تطعن خفوقي وبجروحي تسلى
          دايم على بالي ودائم له أطيوف
                                 تسهر معي وأحلام ليلي تجلى
          وش حيلة اللي علته داخل الجوف
                              نار الفراق بوسط صدري تصلى
          وش حيلتي ياناس والحال منصوف
                              منصوف نصفين على اللى تغلى
         نصف يقول أصبر ترى يحن ويروف
                               ونصفاً  يقول اللي  تغلى يخلى