تدرون وش عذرها يوم أقبلت يمي
                                       جتني تقول آسفه شبهت ياعمري
            كنت أحسبك جرح باقي من جروح أمسي
                                 كنت أحسبك عشقي اللي تاه من دربي
            لا تفتكر جيتي لك شوق من يمي
                                      ما بيك تفهم غلط لو قلت لك بدري
            لا تخلط أوراق هم الوقت مع همي
                                   يكفيني أشوف في زولك عزى قهري
           العشق الأول بعيني  مثل  ديد أمي
                                   ما نساه لو عانقت روحي ثرى قبري
           لا إنته ولا الفين من مثلك ملوا عيني
                                       مافيه رجال من بعده عرف قدري 
            وقفت من عقب ما نادت عليّ باسمي
                                           قم ياشبيه الغلى لا تنتظر ردي
            رديت أتمتم وأنا أقول أبشري سمي
                                 وقفيت عنها وصرت أبكي وأنا مادري