الحال فـي غـيبتك تصعب على الكافر
                            لوقلت وشلون؟!.أقول الله من الضيقه
        القلب مسكين عـقبك يكسر الخاطر
                                    يارب..وشلون شلنه معاليقه؟
         سافرت عـني وعـقلي ودع وسافـر
                        لو شفت غـصن الحشا عقبك نشف ريقه
         ياكثر من قال لي إصـبر يجي باكر
                                      ياعلهم للعما هالبعد ما طيقه
         أروح فدوه لخاطر شعرك الثاير
                                 اللي سواده مـثل حظي وتوفيقه
         ياكبرها يارفيقي طـيحة الشاطـر
                                 لاضاع دربه ولا حصل طواريقه
         هي ضيقـة الصدر وإلا ضيقة الخاطر
                                  والله مدري ولكن ضيقة بضيقه